Rajya Sabha-ah hian bill thlawp zawngin member 108 in an vote a, a do zawngin 13 in vote an thlak a ni. Lok Sabha chuan he bill hi July ni 23 khan a lo pass tawh a ni.
He bill hnuaiah hian National Transportation Policy duan a ni ang a, hei hi state hrang hrangte nena inrawn tlanga duan tur a ni tih Road Transport and Highway Minister Nitin Gadkari chuan a sawi.
He Dan thar hnuaiah hian rikrum thila che chhuak motor kawng kian duh lo te hremna chu Rs.10,000 a ni ang a, Driving License siamtute chu cheng nuai 1 chawitir theih an ni ang a, phal chin aia chaka motor khalh te chu cheng sang 1 a\anga sang 2 thleng chawitir theih an ni ang.
Insurance nei lo motor khalh chu cheng sang 2 chawitir theih an ni ang a, helmet khum loh chu cheng sang 1 chawi theihna leh licence thla 3 chhung suspend saka hrem theih a ni ang a, kum tling lovin motor an khalha chetsualna a thlen chuan lirthei neituin mawh a phur ang a, lirthei registration cancel sak theih a ni ang a, cheng sing 2 sang 5 chawitir leh kum thum lungin tantir thlenga hrem theih an ni dawn a ni.
Traffic dan bawhchhiat satliaha cheng 100 chawitir \hin chu cheng 500 ah tih pun a ni a, hlauhawm taka lirthei khalhtute hremna chu cheng sang 1 a\angin sang 5 ah tihpun a ni a, rui chunga lirthei khalh chu cheng sing 1 chawitira hrem an ni dawn a ni.
Union Minister, Nitin Gadkari chuan The Motor Vehicles (Amendment) Bill chu hman \an a nih hunah intelligent traffic system hmanga vil a reng a ni tawh dawn tih a sawi.
