Jaipur-a CAA dodalna lantirnaah sawi lawk lovin Ashok Gehlot hi a kal a, Delhi-a CAA dodaltute inkulhna hmun hming chawiin helai hmun hi Rajasthan Shaheen Bagh tia a hming lem vuah a ni. Gehlot-a hian pungkhawmte hmaah thu sawiin, NDA sorkar chuan CAA chu a ngaihtuah nawn leh a \ul a ni a ti a, ram danpui Constitution kalphung kalh a nih avangin hnuhlet leh a ngai a, hnuhlet a nih chauhin remna leh muanna vawn nun zui theih a ni dawn a ni a ti.
Gehlot hian lungawi lohna lantirtute pui turin Congress party leh a kaihhruai sorkar chu a inpeih tih a sawi a, a \ul a nih chuan inhren lailawkna detention centre ah amah chu a lut hmasa ber dawn tih a sawi a, National Population Register NPR ah nu leh pa te pianna hmun tarlan a \ul avangin amah ngei pawhin a nu leh pa te pianna hmun a sawi thei lo tih a sawi.
Ghehlot hian ram chhunga chief minister tam takin CAA chu an duh loh thu a sawi a, sorkar laipui chu a thutlukna ngaihtuah nawn leh turin an phut tih a sawi.
