Jaipur-a Assembly Sessionah member tharte chuan rinawmna thutiam an chham laiin a \henin Hindi, Sap\awng leh Sanskrit tawngte an hmang a, MLA engemaw zatin Speaker Gulabchand Kataria chu Rajasthani \awnga thutiam lak phalsak turin an ngen a, Speaker hian a phalsak lo a ni. Norkha mi MLA Biharilal Bishnoi chuan Swearing-in atan Rajasthani tawng hman chu danin a phal tur a ni tih entirnan a hmui puan vara tuamin House chhungah a lut a ni.
Session-ah hian Behrod mi MLA Baljeet Yadav chu an chhungkaw tractor khalhin a kal a, Mahuwa mi Om Prakash Hudla chu ke lawngin a kal ve thung a, kum 2010-a Delhi Commonwealth Games-a gold medal lo dawng tawh, thleng thlawh thiam Sadulpur mi Krishna Poonia chuan a inkhelh thawmhnaw leh a gold medal nen a kal bawk a ni.
