Police te chuan mitthi hi kum 28 mi Akbar Khan a ni tih an finfiah tawh a, Ramgarh khaw mipuite hian bawng khalh mi pahnih chu bei thutin Akbar Khan hi a hmunah an sawisa hlum nghal a, amah hi Kogaon Haryana lam mi a ni a, a \hianpa nen bawng an khalh lai hi mi \hekhatin lo hmuin bawng ruk hmang nia an hriat avangin an sawisa zui ta a ni. Ni 4 kalta mai khan Supreme Court chuan mipui pungkhawmin pawi an khawih \hinna veng tura hmala turin State sorkar te chu a lo hriattir tawh a, Chief Justice Dipak Misra chuan mipuiin mi an chil hlumna thleng \hin chu na takin a dem a, state sorkar ten hneh taka an hmeh mih a ngai a ni a ti. Home Minister Rajnath Sing pawhin mipui chilhlum a thleng fo chu a ngaihmawh thu sawiin, dan leh thupek kenkawh kawngah state sorkar tinin \an an lak a ngai a, state sorkarin \anpui a mamawh chuan Cetral sorkar chu a inhawng reng tih a lo sawi tawh a ni.
Chanchin Thar Rajasthan Alwar ah mipakhat chu bawng rua puhin khaw mipuiten an sawisa...
