Kumin kumtir a\ang khan Rajasthan ah hian thisen endik mi 1000 aia tamin swine flu hi an vei tih hmuhchhuah a ni tawh tih thuneitute chuan an sawi. Nikum khan India ram pumah he natna H1N1 virus hi mi 15,000 chuangin kaiin, an zinga 1,100 in an tihpui a, he virus hi mihring leh mihring awlsam taka inkai chhawn theih a nih avangin thunun thuai anih loh chuan hrileng hlauhawm tak anga thawk thei a ni.
Rajasthan-a he natna a hluar chhoh leh tak avangin sorkar chuan doctor te chu sorkar phalna la hmasa lova chawlh an lak a khap a, in tinah lut lawra dam lote enfiah dan tur ruahman nghal turin damdawi lama thawktute a hriattir nghal a ni. Rajasthanah hian Jodhpur district chu Swine Flu thihpui tamna ber a ni a, a vei hmuhchhuah 225 zinga 16 in an thihpui a ni.
