Natna kaia rinhlelh pahnihte hi innei hlim, China-a honeymoon hmanga kal an ni a. Hemi hmalam hian District-a Health Dept. hotute chuan Kashingarh lam mi pakhat an lo dah hrang tawh a ni.
Rajasthan-a District Health Dept. chuan China-a zin te chu damdawi ina inentir zel turin a chah a, hetihlai hian inringhlel mi 13 te chu RML damdawi inah an inziak lut a, an result ngaihchan mek nia sawi a ni.
Kerala-ah chuan mi pathumin coronavirus an vei tawh tih finfiah a ni a, an awmna tura siam bikah dah hrangin doctor ten uluk takin an vil reng a ni. Chhim lam state-ah chuan mi 1,700 vel enthlithlai mek an ni bawk.
Thlawhna \um hmunah te chuan ram pawna zin haw te endik zel an ni a, Hyderabad-a Shamshabad \umhmunah pawh Thailand leh Singapore a\anga haw te enfiah zel an ni bawk.
Sorkar laipui chuan Pathianni khan China mipui leh foreigner te tana e-visa siam chu a titawp lailawk a ni.
