Rahul Gandhi chuan pawikhawihna tuartu chhungte chuan rorelna dik an duh tih an hrilh thu sawiin, rorelna dik hi an hmu ngei tur a ni a ti a, pawikhawihtute lakah dan anga hma lak ngei a ni ang a ti. Rajasthan Chief Minister Ashok Gehlot-a chuan pawngsualtua puh, Jail-a tang mek te chungah hian a na thei ang bera hremna lek a nih tur thu a sawi bawk.
Pawikhawihna hi April ni 26-a thleng a nih laiin April ni 30 khan police te hriattir an ni a, amaherawchu police te chuan inthlan chhuanlamin FIR hi May ni 7 khan an ziaklut chauh a, pawikhawihtute hi man vek ni mahse, police te’n an hma lakna an tihkhawtlai avangin sawisel an hlawh nasa hle a, he thubuai chhuitu police te chu sawn an ni nual bawk. PM Modi leh Mayawati te chuan he pawikhawih thleng chanchin hi a darh zau lohna tura hmalaah Rajasthan Congress sorkar chu an puh a ni.
