Lok Sabha inthlan campaign beihpui a thlak mekah Rahul Gandhi hian Madhya Pradesh ah beihpui thlakin he thu hi a sawi a, Prime Minister chuan mimal takin amah chu a hua nia sawiin, India ram chu inhmangaih tawnna ram ni mahse Modi-a erawh chuan amah chu mimal takin a hua niin a sawi. Rahul Gandhi hian Modi chu vantlang thil tih khawmah te zah takin be \hin mahse a chhang duh lo niin a sawi a, Modi-a awmdan a\angin ram kaihhruai dan \ha lo a zirchhuak niin a sawi a, BJP leh RSS rilru puthmang chu India ram tan a him lo nia sawiin, an kaihhruaina hnuaiah hian ram tana thil \ha lo tak a inmun mek tih mipuite hmuh dan a ni a a ti. Rahul Gandhi chuan ram danpui humhim turin an bei mek niin a sawi a, Modi chuan RBI pawh ring zo lovin pawisa note a ti thi niin a sawi.
Modi-a’n Rajiv Gandhi a beih chungchangah Rahul Gandhi hian Modi hian Rajiv Gandhi, Nehru leh Indira te chungchang thu dik lo a sawi a, hei hian thil awmdan a thlak danglam dawn lo a, May ni 23 ah thil awmdan a lo lang chhuak mai dawn a ni a ti.
