Dassault CEO Eric Trappier chuan Reliance chu an thawhpui atana anmahni ngeiin an thlan a nih thu leh Anil Ambani-a company nen hian thawhdunna 30 vel an neih sa tih a sawi a, Rahul Gandhi-a’n thudik lo an sawi nia a puhna chu behchhan awm lo leh thil theih loh niin a sawi bawk a, thlawhna man hi sorkar hmasa nena an inbiakna nen inang khata chhiar a nih thu leh India sorkar leh France sorkar-te inbiakna avangin za zelah 9-a tihhniam a nih tak zawk thu te a sawi bawk a ni. Trappier chuan sorkar hmasa nena an inbiakna tihkhawtlai a nih hnuah, sorkar thar nen thlawhna lei tura tuk zat hi 126 a\anga 36-a tih tlema nih vang leh India sorkar a hmanhmawh tawh avangin inremna awmsa chu tihdanglam a nih thu a sawi bawk a, inremna anga Dassault company-in cheng mtd sing thum a pek pawh Reliance ta tur nilovin an pahnih thawkdunin indo thlawhna an siam chhunzawmna tur a nih thu a sawi bawk a ni. Puan tawh angin Rahul Gandhi chuan he inremna-ah hian PM Narendra Modi leh Dassault CEO-te chu thudik lo sawiah a lo puh tawh a, Dassault hian Modi humhim a tum bakah, Modi hian Anil Ambani humhim a tum ve leh chhawng niin a lo sawi tawh \hin a ni.
