Rafale indo thlawhna lei chungchang inremna thubuai kal zelah siam \hat ngai a hmuh loh thu Supreme Court-in vawiin khan a sawi a, sumdawng duhsak bik pawh an awm lo tih a sawi.

Chief Justice of India Ranjan Gogoi-a kaihhruai SC bench chuan ram venhimna thilah sorkar laipui chu a inpuahchah loh remtih a nih loh thu leh ralthuam lei kawngah sorkar laipui chu Court-in a kaihhruai tur a ni lo a ti a, sorkar laipuiin duhsak bik a nei nia sawi pawh finfiah \ha tawk an hmu lo a ti bawk a ni. SC roreltute hian indo thlawhna chu ramin lei a mamawh a ni tih chu hai rual a nih loh thu leh indo thlawhna 126 lei loa 36 chauh lei a nih zawk chhan chu an tan chhui \ul loa an hriat thu an sawi a ni. Puan tawh angin Rafale indo thlawhna inremnaah hian France company Dassault chuan indo thlawhna sorkar laipui hnena a hralh bakah a dang \hahnem tak siam chhunzawm turin Reliance Defence an thlang zui bawk a, hei hi Congress leh eptu lam party dangte chuan nasa takin an sawisel a, UPA sorkar laia hemi chungchanga inbiakna an lo neih tawh aia man to zawkin thlawhna hi lei a nih bakah Reliance Defence neitupa, Anil Ambani chu uchuak taka duhsak niin an sawi a ni.