State Investment Programme Management and Implementation Unit (SIPMIU) hnathawh dan endiktu leh viltu, Quality Assurance Monitoring and Coordination Committee chu vawiin khan New Secretariat Conference Hall-ah an \hu khawm a. Meeting kaihruaitu, SIPMIU Project Director, Pu Valbuanga chuan, SIPMIU hnuaia hnathawh zingah Aizawl khawpui thli paihna tura pipe phum chu a hautak hle tih a sawi a, vantlang kawng tihchhiat a \ul chang a awm \hin avangin Department hrang hrangten thawhhona \ha neih a \ul hle tih a sawi. He \hut khawmnaah hian SIPMIU hnathawh tawhte thlir letin, an hmachhawp tihpuitlin dan turte an sawi a, Tuiriala Sanitary Landfill leh Waste Resource Management Center siam chu a hun taka zawh a nih theih nan \an lak a nih thu te, Chite-a Sewerage Treatment Plant chu kumin December thlaa zawh tuma beih mek a nih thu te, veng hrang hrangah tui dah khawlna tur tuizem lian leh Community Bio-Digester sak \an a nih thute tarlan a ni bawk. He \hutkhawmnaah hian SIPMIU hotute, Traffic Police, AMC, PWD, Power & Electricity, PHE leh BSNL aiawhte an tel a ni.
