He inkhawm Chaltlang Tourist Lodge-a neih hi PWD Engineer in Chief, Pu K. Lalsawmvela’n a hmanpui a, hun engemaw chen sum hman tur an neih mumal loh hnuah tun hnai khan Sorkar laipuiin PMGSY hnuaia hnathawhna tur Rs. vbch. 118 Mizoram tan a pe a, hei hi sorkar kalphung pangngai anga Finance Deparment-in a hman phalna a pek chuan tuna Bill ba tam tak hi pek theih beisei a ni, a ti a. Sum hi hman theiha a awm a nih chuan hman zung zung chu \hatna lai a awm a, a dang lo kal tur ko chhuaktu a ni ve thei bawk tih a sawi. Pu K. Lalsawmvela chuan, Contractor hnathawk \ha lote chu Department leh mipuiten an hrechiang hle tih sawiin, mipuiin an khuaa hnathawk tura an duh loh contractor nih a hlauhawm avangin contractor te chu hna \ha taka thawk \hin turin a chah a, an hnathawh phungah a \hat zawkna tur a nih chuan Engineer-te thu nghial ngam turin a chah a, hetiang bawk hian an dikna chanvo an hriat a ngai tih sawiin, Engineer-te pawh an hna an hriatchian a, contractor-ten a hun taka hna an thawh zawh theih nan \ab la \hin turin a chah a ni.
PMGSY hi sorkar laipui hmalaknaa thingtlang khua tlang rama mihring 250 awmna leh phaia mihring 500 awm tlinna tawh phawtin inkal pawhna kawngpui an neih theih nana hmalakna a ni a. Tunah hian PWD Western Circle hnuaiah hian PMGSY hmanga hmalakna 16 a awm mek a, an hmalak dan tlirletnaah hian Western Circle hnuaia contractor 17 leh JE chin chunglam an tel a ni. He inkhawm hi PWD Western Circle SE, Pu Vanlalmuana’n a kaihruai a, Chief Engineer (Roads), Pu R. Lalrintluanga leh CE (Planning), Pu J. Zothanpuia pawhin thu an sawi a mi. PWD Western Circle hnuaiah hian Division 4- Hmuifang Division, Kawrthah, Kolasib leh Mamit Division a awm a ni.
