Badal Choudhury hi MLA \um 8 a ni tawh a, PWD hmasawnna hnathawhna tur sum \hahnem tak eirua puh a nih vangin nikum October ni 13 khan Vigilance Wing ten a lakah FIR an thehluh a ni.
Badal hi ni 104 chhung tan inah a hun a hmang tawh a, a chungthu ngaihtuahtu, Justice Arindam Lodh chuan bail-a chhuah a phalsak ta a ni. Hetihlai hian kum 2008-09-a Principal Secretary a nih laia hmasawnna hnathawhna tur cheng vbc 638 chheprelhtua puh, Tripura Chief Secretary hlui, Yash Pal Singh pawh Tripura Police Crime Branch chuan man tumin an zawng mek a ni.
