Mizoram PWD-in khaw awm danin a zir veleh Road Maintenance Action Plan angin Division hrang hrangah kawng a siam \ha \an dawn. Hemi chungchang hi Principal Secretary, PWD enkawltu, Pu Lalramthanga kaihhruaia vawiina Engineer-In-Chief, Conference Hall-a Senior Officer-te \hut khawmnaah ngaihtuah a ni a, kawng siam \hatna atana sum ruahmante pawh sawiho a ni. Pu Lalramthanga chuan kuminah hian kum dang aiin ruahtui a tla hma tih leh, kum dang aiin ruah a tam tih sawiin Mizoram chang ni lo, hmarchhak biala state dangah te pawh kawng a chhe nasa hle niin a sawi a, Mizoram kawngin a dawl zawh tawk aia rit phur motor a tlan nasat avangin kawng a chhe hma nia sawiin, he harsatna sut kian nan hian Transport Department nen \an lak a \ul niin a sawi. Sorkarin kawng enkawlna tur Road Maintenance Policy a siam fel tawh thu te, Road Fund Board pawh din a nih tawh thu leh hemi hmang hian kawng siamna tur sum tam zawk hmuh theih a beiseiawm thute a sawi a, kawng siam hna thawh dan chu Executive Engineer, SDO leh Junior Engineer-ten tun aia \haa an vil a ngai niin a sawi bawk. Principal Secretary chuan tuna Mizoram PWD kawng enkawl zawng zawng chu Km 6,127.81 a ni tih a sawi a, heng zinga Km 1,465.12 chu National Highway a ni a, State Roads Km 4662.69-a thui a awm bawk niin a sawi.
