MNF member, Pu L. Thangmawia zawhna leh zawhbelhna dangte chhanga he thu hi sawiin, Pu Zoramthanga chuan, an sorkar hmasak \um pawh khan contractor hna thawk \ha lote lakah huaisen takin hma an lo la tawh \hin tih a sawi a. Hetihrual hian hma an laknaah fimkhur taka kal a ngai a, hnathawk \ha lo Company-te an hna tihtawp a nih dawnin, uluk taka lo inpuahchah lawk a ngai thung a. An hna tihtawp sak Contractor-te chu Court-a an zualko chuan hnathawh chak duh vanga an hna tihtawp sak ni si, hnathawk thei lova rei tak awm theih a nih avangin heng Company hnathawk \ha lote tihtawp an nih dawn pawh hian hna a chawlh rei loh nan lo inpuahchak lawk sa diam a ngai a, chumi ang chuan hma pawh lak an tum tih a sawi.
Pu Zoramthanga chuan, Mizorama Contractor hna liante chu Delhi lam a\anga Tender chhuah a nih \hin bakah a pawisa hrawm a len avangin Mizorama Contractor awmsa te tan chhan a harsat \hin avangin phai lama Contractor lian zawkten an chang leh \hin tih a sawi a. Mizorama hna an thawh \an dawn tak takah harsatna an tawh leh \hin avangin a hun taka hna zawh hman loh a tam a ni, a ti a. he harsana hi sukiang turin Mizorama Contractor awmsa ten hna lian deuh pawh an chhan theih nan an hmanraw neih ti \ha tura \anlak a ni dawn a, hemi chungchang hi Contractor Association nen pawh an sawi ho tawh tih a sawi.
