Jaish-e-Mohammad mifirfiak te’n CRPF sipai 40 te an thah hnuah, mifirfiak te hi Pinglan-ah an biru tih thu an dawn bawhzuiin nizan khan sipaite’n beihpui an thlak nghal a, an bihrukna hmun an thlen dawnin mifirfiakte’n silai nen sipaite hi an lo bei a, sipai 4, Major pakhat tiamin an kaphlum a, civil mi pakhat an kaphlum tel bawk a ni. Sipai kahhlumte hi 55 Rashtriya Rifles a mi te an ni a, Mi firfiak 2 kahlum an ni tawh a, helai hmunah hian biru an la awm nia hriat a ni. He operation-a zawnchhuah an tum ber, mifirfiak Kamran, Ghazi tia koh bawk, Nilaithawh\an-a CRPF sipai 40 te thihnaa a engkim ruahmantu ber leh bomb siamtu ber nia rin chu mi firfiak kahhlum pahnih te zingah hian a tel a ni.
Jammu leh Kashmir-ah hian Zirtawpni-a mipui pungkhawmni buaina an siam avangin curfew puan mek a ni a, khualzin 1000 chuang khawpuiah hian an tangkhang a, mosque leh madarsas-ah te dah rih an ni hlawm.
