Puducherry CM V Narayanasamy-a’n Corporate Social Responsibility, CSR sum khawih chet chungchangah an Lieutenant Governor, Kiran Bedi chhui chiang tura dilna Union Minister Rajnath Singh hnenah a thehlut.

Narayanasamy chuan CSR sum chungchanga mimal pawl dawr chu thil dik lo ni lo mahse, Lieutenant Governor pisa-in PWD Minister hriatpuina telloa he sum a lo dawng chu thil dik lo a ni tih a sawi a, PWD Minister mai bakah Department Secretary emaw, thuneitu dang emaw pawh tender ko lova hna pek chungchang hriat an nei lo niin a sawi bawk a ni. Hemi chungchang chhui tur hian Narayanasamy chuan kar tir lamah khan Judicial Committee din a lo dil tawh a, mahse Kiran Bedi chuan inpuhna dik lo a nih thu leh a pisa, Raj Nivas-in sum inthawn chungchangah inrawlhna a nei lo tiin a lo sawi tawh a ni.