Tunhnai maiah khan Madras High Court chuan Union territory Puducherry ah hian mipui thlan sorkar a din chhung chuan nitina sorkar inrelbawlnaah Lieutenant governor hi a inrawlh tur a ni lo tiin thutlukna a lo siam tawh a, Supreme Court hian Kiran Bedi pawh hi hriattirna lehkha pe tho mahse, a tawn tawin an thuneihna chin chiang zawka hriat an duh thu an sawi ve ve a, sorkar rorelna kal thei lovin a awm phah niin an sawi.
Justice Indu Malhotra leh MR Shah te chuan June ni 7-a Cabinet thutlukna siamah te, sum leh pai inhnamhnawih chi reng reng chu June ni 21 hma chuan engmah kalpui chhunzawm rih lo turin a rel a ni.
Tunhnaiah Delhi Chief Minister Arvind Kejriwal leh Lt Governor Anil Baijal te inkarah thuneihna inchuhna boruak hi a sang hle bawk.
