MPC Sr.Vice President, Pu Vanlalhlana’n BJP kaihhruai, National Democratic Alliance (NDA)-a tel ve anga MNF President, Pu Zoramthanga’n a sawi chu an Party-in a helh hle niin vawiina an party chhung inkhawmah a sawi a. Ram bung khat hruaitu lu ber nih tum meuhin thu belh chian dawl lo hmangin an Party a puh nia sawiin, mipui laka hmaiphih a tumna maiah an ngaih thu leh BJP kaihhruai NDA zawmtu Political Party 47 zingah Mizorama Political Party zinga tel awm chhun chu MNF chauh a ni tih, Central NDA List 2017-ah chiang taka tarlan niin a sawi. Pu Vanlalhlana chuan, pawl pathum – MPC, ZNP, ZEM-in mipui sorkar siam tura thawhhona thuthlung an duan chuan rah duhawm tak a chhuah chho mek zel nia sawiin, tunah hian an beisei leh rin phak bakin Congress leh MNF Party mai ni lo, mipui mimir thlengin thawhhona huang a\anga sorkar thar siam duhtu an pung zel a, nakkuma inthlanpui neih hunah meuh chuan mipuite beisei sorkar thar a pian ngei a rinawm hle niin a sawi a, Mizorama kawngpui chhiat chhana Congress leh MNF Party an inpuh tawn chu thu dik nia sawiin, kawngpui chhiat chhan dik tak chu heng Party pahnihte sorkar laia an hnathawh fel lo rah chhuah liau liau a ni tih sawiin, kawng hrang hranga Mizoram harsatna leh retheihna thlentu Congress leh MNF Party chu hnawl a hun tawh tih Zoram mipuiten an hriat a \ul niin a sawi bawk.
