Pu Zodintluanga’n MNF party chanchinbu, Hruaitu Arsi Editor, Pu Lalthanzuala Hnamte leh Publisher, Pu M.C. Lalrinthanga lakah amah tihmingchhiaa puhna thubuai a thehl<t. Pu Zodintluanga hian Hruaitu Arsi chanchinbu, tun thla ni 1-a chhuaka ‘Lal Thanhawla’n CBI a hlau’ tih thupui hmanga thuziah chu amah puh hmingchhiatna nia sawiin, Aizawl District First Class Magistrate, Pu T. Lalhmachhuana hnenah Criminal Complaint hi a thehlut a, Court chu amah tihmingchhetute chungchang hi dan ding lai anga enfiaha hrem turin a ngen a, a thu thehluh hi vawiin khan pawm nghal niin, thubuai ziah luh nghal a ni.
Pu Zodintluanga hian a ukil atan R. Lal\anpuia a ruai a, a thubuai thehluha a ziah dan chuan, MNF Party chanchinbu, ‘Hruaitu Arsi’ tun thla ni 1-a chhuak, phek 4-naah, Pu Lal Thanhawla’n Lottery-a mipui sum, cheng vaibelchhe sing chuang a chheh relh leh Pu Zodintluanga’n Mizo Carbon-a dik lo taka a nupui laizawn hminga cheng tam tak a lak \hin chu CAG report a\ang leh Central YMA hma lakna a\angin Mizoram mipuiin an lo hre ta nia ziah a ni a, he thuziak a\anga a lan dan chuan, dik lo takin Mizo Carbon atangin a nupui laizawn hmingin pawisa a la \hin tihna nia sawiin Pu Zodintluanga chuan, hei hi thu dik lo leh phuahchawp niin a sawi a, a dam chhungin Mizo Carbon a\angin pawisa pakhat mah a la dawng ngai lo nia sawiin, hetianga puhtute hian thudik lo hmanga an phiarruk bakah amah hi vantlang hriat a nih avangin thu dik lo hmanga puha a nunphung leh eizawnna tihbuai an tum nia a ngaih thu leh, a puhtute hian Minister a nihna ang pawhin rinawm lo leh dan bawhchhia ang hiala a puh avangin, mipui mithmuhah a hming a chhiat phah niin a sawi a ni.
