Damdawi ruih theih man thubuai avanga Central Jail-a tang mek, IAS Officer chawl tawh, Pu Robert Hrangdawla chu bail-a chhuah lailawk phalsak a ni. Puan tawh angin, tun hnai khan Pu Robert Hrangdawla Ukil chuan, Pu Robert Hrangdawla hi a hriselna dinhmun a \ha tawk lo nia sawiin, Court chu Bail-a chhuah lailawk phalsak turin a ngen a. He dilna ngaihtuahtu, Special Court (Drug and Cosmetics Act) Judge, Pu Vanlalenmawia Court chuan, Pu Robert Hrangdawla Ukil-in Jail chhunga a inenkawlna nia Court hmaa a tarlan chu Bail-a chhuah phalsakna atan tling tawk loa a ngaih avangin Pu Robert Hrangdawla chu Mizoram sorkar hnuaia Medical Board hmaah inlan tur leh, a hrisel loh dan kimchang tihchianna lehkha la turin a ti a. He thupek ang hian t<kin dar 9:30 khan Aizawl Civil Hospital Medical Superintendent, Dr. KL Remsanga hovin Medical Board chuan Pu Robert Hrangdawla hriselna hi a endik a, Medical Board-in a hriselna a endikna lehkha Court-a a thehluh hnuah cheng nuai 1 dah khamin Bail-a chhuah phalsak a ni ta a ni. Court chuan, Pu Robert Hrangdawla chu Jail-a tang tura a hriselna a \hat tawk loh b^kah, IAS Officer hlui, kum eng emaw zat ram tana rawng lo bawl tawh leh thil \ha tam tak lo ti tawh a nih avang leh, kum 73 mi a nih tawh avangin Bail-a chhuah lailawk hi phalsak a ni tih a sawi a, hetih rual hian Bail-a a chhuah a nih chhung hian thil \ha lo nia lang reng reng lakah inthiarfihlim tur leh a thubuai chhuina tichhe thei zawnga thil ti lo tur leh Court phalna la hmasa lo chuan Aizawl chhuahsan lo turin a hriattir a, thupek hi a zawm loh chuan Bail hi tihtawp nghal theih a ni bawk.
Puan tawh angin, damdawi tawlh ruk thubuaia inhnamhnawiha puh a nih avangin IAS Officer chawl tawh, Pu Robert Hrangdawla hi tun thla ni 4 khan Court thupek anga man a ni a, hemi ni vek hian Central Jail-a dah nghal a ni a. A rual hian a hnuaia thawk, Lalchhanmawia pawh Central Jail-a dah a ni bawk. Vawiina Medical Board-in Pu Robert Hrangdawla hriselna a endik hnu hian Bail-a chhuah lailawk a dilna ngaihtuah tura Court-a hruai nghal a nih loh avangin Court chuan Bail dilna hi ngaihtuah theih a nih loh thu a sawi a, hemi hnu hian Pu Robert Hrangdawla Ukil, Police leh Jail lam hotute ruahman angin Pu Robert Hrangdawla hi tlai dar 3 vel khan Court-ah hruai a ni.
