Karkalta inrinni a\anga zin chhuakin Samthang, Farkawn, Khankawn, Thekte, Thekpui, East Chawngtui, Vaphai leh Saikhumphai te a tlawh a, Khaw hrang hrangah mipui ten lo lawmin vantlang inkhawmah thu a sawi a, an aiawha roral tura thlantlin a nih chungchangah lawmthu a sawi a ni. Vaphaiah hian nimin khan sial talhin a lawmna ruai an buatsaih a ni.
Pu Ramthanmawia chuan, MNF sorkar Pu Zoramthanga kaihhruai chu hmasawnna hna thawk tak tak turin nasa takin a inbuatsaih mek niin a sawi a, Minister leh MLA te chuan rim taka hnathawhk in mipui rawng an bawl dawn a, East Tuipui bial mipui te pawh \angruala sorkar hmalakna \awiawm tur leh bial dang entawntlak khawpa hmasawnna ngaipawimawh turin a fuih a ni.
