Nimin khan Thingthelh, North Hlimen leh Saipum, Saiphai leh North Chawnpui te a tlawh a, vantlang inkhawmah thu sawiin, Sorkar thar chu thla 2 vela upa chauh ni mahse ram hmasawnna thlen tak tak turin hna a thawk nghal niin a sawi a, hmasawnna hnathawh daltute chu an kalsan zel dawn niin a sawi. Pu Lalrinsanga Ralte chuan, Sorkar chu party sorkar ni lovin mipui ta a ni a ti a, hemi avang hian an hmalaka turah pawh party thliar hranna nei lovin hmasawnna rualkhai takin an thlen tir dawn niin a sawi. Pu Lalrinsanga Ralte hian Saiphai Police te pawh tlawhin ramri a awm an nih avangin mipuite himna ngaipawimawh a theihtawp chhuah turin a chah a ni.
