National Wildlife Week vawi 63-na chu vawiin khan CM, Pu Lal Thanhawla’n Assembly Annex Conference Hall-ah a hawng a, Thupuiah ‘People’s Participation in Wildlife Conservation’ tih hman a ni. CM tlangram lo neih leh ram ngaw hlutna hriat loh vang te leh nungchate chunga rilru put dan dik tawk loh avangin hemi kawnga hnathawh chuan Mizoram-ah hma a sawn mawh hle tih a sawi a, mi thiamten Mizoram chu damdawi atana siam theih ramhmul chi hrang hrang awmna leh rannung tam tak awmna nia an sawi avangin heng thilte hi theihtawpa humhalh a ngai niin a sawi a, Department \henkhatin pipute sulhnu leh Mizo rohlu hmunhma hrang hrang, a nihna bo \haka an khawih danglam chu pawi a tih thu sawiin, khualzinte hipna atana \angkai tak tur a nih avangin a nih ang anga dah chu a hlu zawk niin a sawi. Mizorama hnamdang awm chungchang sawiin Pu Lal Thanhawla chuan, heng zinga engemawzat chu India khua leh tuia pawm tawhte an ni a, hetih rual hian dan lova ram dang a\anga lo luh tum te chu engti kawng maha sorkarin a remtih loh tur thu leh, a awm mekte pawh nawr chhuah tur niin a sawi. Pu Lal Thanhawla chuan, Mizo-te hi ramri depa ram \ha lai leh hmun luma awm peih lo an nih avangin heng ramah te hian hnam dang, Chakma leh Tuikukte an cheng a, Mizo zinga a ngaihna hriaten heng ramte hi va luaha hnawh khah a ngai niin a sawi bawk.
Inkhawm kaihruaitu, PCCF, Pu Lal Ramthanga chuan, nikum April thla leh kumin September inkarah khan ramsa seh leh beih tawk mi 41 an awm niin a sawi a, heng zinga 6 an thi a, 35 an hliam a, nunna chan 6 hi Savawm seh 1, Rulchuk 4 leh Khuaiseh 1 an ni a, hliamte hi Savawm seh 9, rulchuk 24, Sanghal tai 1 leh Ramsial sik 1 niin a sawi. Ramsa-in a beih avanga nunna chan ta chhungte hi zangnadawmna, Rs 2,00, 000 \heuh p>k an nih thu a sawi bawkj. Pu Lal Ramthanga chuan, kum 2015 May a\anga kumin September thleng khan State Animal, Saza 118 a pul tih a sawi bawk.
