Uttar Pradesh khaw chhak lam bialtu Congress general secretary nilai Priyanka Gandhi Vadra hian ni 4 chhung awh tur campaign hi Pathianni a\ang khan a \an a, lawng-a chuangin ni 3 chhung awh, Ganga-Yatra a \an dawn a, Prayagraj a\angin PM Narendra Modi bial Varanasi-a Assi Ghat a pan ang a, scheduled caste leh hnam hnuaihung dang, Ganga lui kama cheng mipui te a kawm dawn nia hriat a ni, temple leh dargah engemawzat a tlawh rin a ni bawk.
Priyanka hi a zinchhuah hma hian Prayagraj-a an chhungkaw in Swaraj Bhawan, November ni 19, 1917-a a pi Indira Gandhi pianna inah a riak a, a pi-in “Huaisen hle phawt la, tichuan engkim a fel vek mai ang” tia a thuchah \hin chu a hraitchhuah nawn thu a sawi.
