Vawiina Aizawl Press Club-a thuthar lakhawmtute a kawmnaah Pu Vanlalruata chuan, Tuikuk-te chungchanga tlawmngai pawl hmalakna chu \ha an tiin, an thlawp a, hmalakna tur awm tak ni pawha an hriat thu sawiin, hetihrual hian inthlanna nghawng khawpa hma an la dawn a nih chuan thil thleng theite ngun taka ngaihtuah a ngai a, tun hma lama thil lo thleng tawh anga vote thlak an awm mang lo a nih chuan candidate zinga mipuite duh lo ber a tlin palh theih avangin fimkhur ngai hlea an hriat thu a sawi.
Prism President chuan, hun rei tak Mizorama awm tawh lo Tuikuk-ten vawiin thlenga Mizorama vote an la nei chu thil dik nia an hriat loh thu sawiin, Tuikuk-te chu Tripura-a an pem tawh avangin Tripura-ah vote an nei tur a ni tih chu an ngaihdan a nih thu a sawi a. Election Commission of India-in Tuikuk-te kum 2004 September ni 6-a Ordinary Residence of Mizoram-a a puang chu dan kalh a ni tih sawiin, hetiang hmalakna hi an kalpui a dawn a nih pawhin a puang theitu chu sorkar laipui a ni a, ECI chuan vote an neih theih nan a lo buaipui mai tur a ni a, hetiang ni lova ECI berin Ordinary Residence of Mizoram-a a puang chu dan kalh a ni tih hriat a \ul tih a sawi.
Pu Vanlalruata chuan, MP thlanna neih tura Candidate hrang hrang zingah Prism Candidate, Pu TBC Lalvenchhunga chu tling leh \ha ber nia an hriat thu sawiin, a tlin ngei theih nan vote \heuh turin mipuite a sawm a. MP candidate zingah Prism chauh chu Citizenship Amendment Bill dolet dan tur chiang taka sawitu awm chhun an nih thu leh he Bill do let nana Right to Secession Bill an putluh tur thu an sawi chuan Central sorkar thlengin nghawng a nei a. Election Commission of India leh Mizoram Chief Electoral Office-in insawifiah tura a tih bakah Central sorkar-a Official \henkhat phei chu an hna chanpual siksawi sak an ni hial tih sawiin, an auhla chu hmarchhak biala state \henkhat Nagaland, Manipur leh Meghalaya-te pawhin \ha an tih thu rawn hrilhin, kalpui ve an tum thu an rawn hrilh a. Chumi nghawng kal zelah nimin khan Union Minister of State, Kiren Rijiju-a’n CAB chu thar thawh a nih pawh hmarchhak bial a nghawng loh tur thu sawi mah se, BJP President Amit Shah-a’n tharthawh a nih tur thu a lo sawi tawh avangin he Bill kalpui tumtute chu hnawl ngam an \ul tih a sawi.
