Prism hian vawiin khan Upper Republic-a an party Conference Hall-ah Lok Ayukta chungchang an sawi ho a, he inkhawma thusawitu an Party President, Pu Vanlalruata chuan, eirukna avanga Mizoram tawrhna chu mipuiten an hria a, hemi veng tura Department awm sa chu ram hruaitu leh sorkar thuneitu ten an thunun theih avangin awmze neiin hna a thawk hlei thei \hin lova, he kalphung hi tih bo a nih theih nan mahnia inrelbawla, thuneihna nei din turin mipuiin an duh a, hemi tihlawhtling tura sorkar-in ke a pen mek lai leh, Lokayukta din fel a nih a\anga rei lote hnua Vigilance Department hnuaia Lokayukta dah a ni chu thil pawi tak a ni, a ti. Pu Vanlalruata chuan, mipui duhna a nasat avangin Assembly inthlanah party tinin Lokayukta din an tiam a. MNF kaihhruai sorkar chuan inthlan thutiam tihhlawhtlin nan Lokayukta hi an din ta a. A lawmawm an tih viau laia kum khat em pawh a vei hma leh hna an thawh \an dawn chauh tiha sorkar-in a tithuanawp tura hma a la chu andem hle tih sawiin, Corruption kawngkhar hawng zau zawnga ke pen a ni ta mai hi an hrethiam lo tih a sawi.
