Nimina an pawl Bengvar inkhawmah Pu Vanlalruata chuan, MNF kaihhruai Sorkar tharin kawng hrang hranga hma a lakna chu \ha a tih thu a sawi a, hetihrual hian Mizorama don lova cheng \hahnem tak awmte chu nakin zelah Mizoram leh Hnam tan pawi thei a nih avangin heng mite dap chhuak a, an awmna hmuna thawn kir tura \anlak a \ul hle a ni, a ti. Pu Vanlalruata chuan, Mizoram sorkar-in Mizoram Subordinate Service Selection Board din a tum chu Assembly inthlanpui neih laia an Party Manifesto-a an tarlan a inzul hle tih a sawi a, hei hi thil \ha tak ni thei tur a nilaiin an kalpui tum dan tak erawh an ngaihven a, a \that theih nan hma an lo lak ve a ngai dawn tih a sawi a. Tuna MNF kaihhruai sorkar hian an manifesto an bawhzui \ha viau a, manifesto-a an tarlan zinga 11 lai bawhzuiin an tihlawhtling chho mek chu a lawmawm hle a ni, a ti.
He inkhawm hi an Pawl Secretary, Pu Rochungnunga’n a kaihruai a ni.
