Pu Vanlalruata chuan, SEDP chu mipui hriat dan tlanglawn berah chuan cheng nuai 3 sem a ni, a ti a. Mipuit pawhin an nghakhlel hle tih sawiin, mi thenkhat phei chuan SEDP hmanga Rs. nuai 3 sem chu MNF sorkar chhanah an ngai hial a ni, a ti a. Tun hnaia Mizoram sorkar-in kum 2019-20 chhunga Mizoram sum hman tur ruahmanna a siamah Rs. vaibelchhe 750 an dah nghal chu lawmawm viau angin lang mah se, SEDP atan sum dah zinga cheng nuai 612.90 chu Taxation Department hnathawh nana hman tur a ni a. Cheng nuai 346.18 chu Home Department hnathawh tur niin, cheng nuai 500 chu School Education Department hman tur a ni a. Cheng nuai 900 chu Labour Department an tih \hin, LESDE in hnathawh nana an hman tur a ni a. Cheng nuai 200 chu Cooperation lama hman tur a ni a. Cheng nuai 1,831.68 chu Power and Electricity lama hman tur niin, cheng nuai 1,237.79 chu PWD hman tur a ni a ti a. He sum ruahmnaah hian mipui chan tur a awm tak loh avangin mipuite chan loh khanah SEDP chu a chhuak dawn ta niin a lang a. Chilput tak meuh meuha mipuiten an lo thlir cheng nuai thum chu hmuh a har dawn ta a ang hle a ni, a ti.
