He thu hi vawiina Prism Party Organisation Committee an Party Pisa-a \hutkhawmnaah sawiin, Pu Vanlalruata chuan, naktuka \an tur Assembly Budget Session-a Finance changtu Chief Minister, Pu Zoramthanga’n Budget a pharh tur Demand No.1-a Legsilative Assembly Budget-ah MLA te chu nasa taka induhsak an tum nia a lan thu sawiin, kum hmasa lama Loan-a cheng nuai 70 an pekchhuah kumina cheng nuai 170 ruahman a ni a ti. MLA te ham\hatna a pung hle dawn nia a lan laiin hnathawktute hrek nasat tum a nih hmel thung a, MR a thawkte ban \hen an ni dawn nia lang turin an hlawh tur, wages-ah nikum aia nuaia 10 zeta tlem Rs. cheng nuai 97.90 chauh an ruahman sak a ni a ti. Pu Vanlalruata chuan, MLA te chu
mipui aiawh tura thlan an nih angin an mahni an inngaihtuah hmaa mipui ham\hatna tur ngaihtuah hmasa tura a duh thu a sawi.
He \hutkhawmna kaihruaitu Prism General Secretary, Organisation & Campaign changtu, Pu H. Lalremsiama pawhin an Party chu mipuiin chak taka hmala tura an beisei an nih avangin chak zawka hma la tura an kal a ngai a ni, a ti a. General Headquarters bakah District danga hruaitute pawh a \ul anga insiamrem tum tum a nih thu a sawi. Prism Party hian tun hnai khan an Party hruaitute chanvo leh mawhphurhna engemawzat a siamrem a ni.
