He thu hi an party President, Pu Vanlalruata chuan sawiin, NDA a\anga MNF a inhnuhdawh ngam loh chuan ram leh hnam tana ding ngam lova an ngaih tur thu a sawi a, Mizorama BJP party mite pawh ram leh hnam an hmangaih a nih chuan BJP chhuahsan turin an phut tih a sawi a ni.
Prism chuan Citizenship (Amendment) Bill, 2016 duh loh lantirnan vawiin khan Republic Day an Boycott a, Upper Republic-a an pawl Pisa-ah puandum an zar a ni.
Prism chuan Joint NGO Coordination Committee-in Citizenship (Amendment) Bill, 2016 dodal nana Republic Day an Boycott chu an thlawp thu leh he Bill dodal a nih theih nana pawimawh ber leh nghawng nei lian thei ber tur chu sorkar a ni tih sawiin, Mizoram sorkar chu All Party Meeting kova, lian tham taka hma la turin an ngen a, an party chuan he Bill hi a tawp thlengin an dodal dawn tih an sawi a ni.
