Prism President, Pu Vanlalruata chu vawiin khan ACB-in a man a, vawiin vek khan Bail-a chhuah tir leh nghal a ni. Zonet thudawn danin, Pu Vanlalruata hi vawiin chawhma dar 11:45 vel khan Upper Republic-a an pawl Pisa a\anga man a ni a, heta \ang hian Court-ah hruai nghal niin, Prevention of Corruption Act khawihtu Special Judge, Pu Thanglianmang Guite Court-ah hruai a ni a, Court hian thu a zawhfiah hnuah chawhnu dar 1 vel khan chhuah leh nghal a ni. Pu Vanlalruata chuan, man a nih chhan hi chiang taka a hriat bik loh thu Zonet a hrilh a. Eiru leh thil tisual ngei nia lang pawh hrem lova, chhuah an nih zel avanga Court thawhpui rih loh an rel angin Court-ah hian thuhretu-ah an inlan duh rih lova, tun \umah pawh hian Court chuan a inlan duh a rin loh avangin amah manna tur thupek hi tihchhuah a ni tih Court-in amah manna tur, Warrant Arrest a tihchhuah-ah tarlan a ni tih a sawi.
Court-a an inlan duh loh avang hian Prism President, Pu Vanlalruata leh General Secretary, Pu RL. Liantluanga chu nikum February ni 13 khan Upper Republic-a Prism Pisa a\angin Police-in an lo man tawh a, hemi vek hian bail-a chhuah leh nghal niin, February ni 16-a Special Court (Prevention of Corruption Act)-ah inlan tura tih an lo ni tawh a. Court-a an in lan duh loh chungchangah hian Prism hotute chuan, eirukna thubuai hrang hranga Court-a prosecution witness-a an dinnaah eirua an ngaihte hrem an ni thei lo leh an zalen zel chu an hrethiam lo tih sawiin, kum 2016 November khan Prevention of Corruption Act khawihtu Special Court chu thawhpui tawh loh an rel a ni.
