PRISM Party thuneitu sang, Central Committee chu vawiin khan Upper Republic-a an pawl Pisa-ah an thukhawm chuan kumin kum tawpa Mizoram Assembly inthlanna neih tura an Party Ticket-a ding tur puan thawh hnihna neih thuai dan tur chungchang a rel.

He \hutkhawmna hi an pawl Vice President, Pu K. Tlanthanga’n a kaihruai a, hetah hian Election Commission of India a\anga tun hnaia an Party Registration an neih thar chu lawm a ni bawk. He \hutkhawmnaa thusawitu an President, Pu Vanlalruata chuan, PRISM Party-in ECI a\anga party registration an nei thei dawn ta chu thil lawmawm tak a ni tih a sawi a, hemi atana tha leh zung sengtute chungah lawmthu a sawi bawk a ni.

PRISM Party Central Committee chuan ECI-in election symbol atana PRISM party-in a hman theih tura a chhawpchhuah 161 a\angin 6 an thlang chhuak a, chungte chu – Baloon, Talhtum, Battery Torch, Khaidiat, Diamond, Lukhum leh Tiang te a ni a, heta \ang hian an party Symbol tur an la thlang leh dawn a ni.