He thu hi vawiina Mizoram State Day vawi 33-na puala Upper Republic-a an Party office-a inkhawmah sawiin, Pu Vanlalruata chuan, State puitlinga Mizoram hlan kai a nih theih nana hma latute chu chhuanawm a tihzia a sawi a; chutihrualin Mizote chu hmanlai a\anga mahnia ram hran leh hnam hran nei, midang thuhnuaia kun ngai lo an nih nih tlat avangin state dinhmunah lungawi mai tur a ni lo a, ram hran neih chu an phu a ni, a ti.
Pu Vanlalruata chuan, BJP chu Citizenship (Amendment) Bill, 2016 hmang Mizoram leh hnam dinhmun tiderthawng zawnga hmalaah puhin, hemi kawngah hian hmalak zel an tum thu an BJP National President-in a sawi chian avangin BJP chu Mizo mipuiten an hnawl a \ul tak zet a ni, a ti a. Mizoram leh hnam him nan kumina Mizoramin Lok Sabha inthlanpui a hmachhawn turah pawh BJP leh an sangawizawnpuite chu paihthlak ngei an \ul a, hemi atan hian PRISM Party-in hma a la dawn niin a sawi.
He inkhawm hi Prism General Secretary, Pu Lalrinzuala Chawngthu-in a kaihhruai a ni.
