PRISM anga Mizoram siamthat tuma hma an lakna te an duh anga a hlawhtlin loh avangin party thar PRISM Party chu an din tih sawiin, Inthlan kalphung siamthat kawnga an hmalaknate an beisei phak bakin a hlawhtling niin an sawi a. An candidate zawng zawng ten vote an hmu theuh chu lawmawm an tih thu leh hmasawnna chhinchhiahtlak taka an ngaih thu an sawi.
MLA atana thlantlin zawng zawng te lawmpuina an hlan tih PRISM Party chuan an sawi a, ram leh hnam tana chhuan tlaka hna thawk turin duhsakna an hlan tih an sawi a, an candidate zawng zawng te chuan an dinna bial an vawng zui zel dawn nia sawiin, bial dang viltu tur pawh an ti fel thuai dawn niin an sawi.
