Rorel inkhawm an Pawl President, Pu Vanlalruata kaihhruaiah hian Prism chuan, BJP in One India buaipuiin Uniform Civil Code an kalpui \an a, India rama chengte chu Hindu kalphung anga inang tlanga kaihruai tumin hma an la mek tih sawiin, Jammu & Kashmir chu an inhungbingna \hiah sak an nih hnuah rapthlak takin awpbeh mek an ni a. Hetiang hi Mizote chungah pawh thleng thei reng a nih avangin harsatna tawh thulha auchhuahna neih nan hmalak a ngai a ni an ti a. Mizoram hmalam hun ngaihtuahna avanga inzarpharh turin UNPO zawm a, a theih ang anga Mizoram chhung leh pawna party dangte thawh hona leh inthlunzawmna neih an remti a ni.
Rorel inkhawmah hian an Party Constitution \henkhat an tidanglam a, Elected OB ten term hnih aia rei nihna ngai an chelh theih lohna dan pass niin, kum thum chhung-a hmachhawp siamfel a ni bawk. Hemi hnu hian Pu F Lalnienga kaihhruaiin an pawl hruaitu thar tur an thlang nghal a, chungte chu President-ah Pu Vanlalruata, Sr. Vice President-ah
Dr. H. Lallungmuana
, Vice President-ah Pu
K. Tlanthanga
leh Treasurer-ah Pu Zodinsanga
an ni.
