Thuchhuah an siamah Prism hian tun hnaia Chief Minister, Pu Zoramthanga hova Councils of Minister \hukhawmin Mizoram china an pawm chu Bengal Eastern Frontier Regulation, 1875 a nih thu an puangzar chu lawmawm viau angin lang mah se, ramri humhalh tura hmalak zuina a awm lo a nih chuan awmzia a awm lo tih an sawi a. Hemi bawhzui nan hian Mizoram sorkar chu Mizoram chin humhalh turin ramria Police dah tur leh tuna Mizoram chhunga Assam Forest Department-in hma an rawn lakna chu an ram chinah umlet se an duh thu an sawi.
Mizoram sorkar hian kum 1988 khan Bengal Eastern Frontier Regulation 1875-in ramri a siam, Innerline 1875 tia sawi bawk chu ramria a pawm thu a lo puang chiang tawh tih PRISM chuan an sawi a, tuna harsatna zawk chu ramri humhalh tura sorkar a che ngam lo \hin zawk hi a ni, an ti a, Mipuite laka hmai phih nana chulai chin chu ramriah kan pawm tih lam hi ni lovin ramri humhim tur chuan sorkar a chet chhuah a ngai a ni, an ti.
Prism Party hian tun hma a\anga an lo intiam tawh angin an Party-in thuneihna a chan hun hunah Assam in a enkawl lai mek, Innerline Reserved Forest lalet tura hmalak nghal an tum thu an sawi.
