He inkhawm Upper Republic-a an pawl Pisa-a neihah hian Pu Vanlalruata chuan, kum 2006-a tlawmngai pawl anga an din hnuah ram tan zau zawka rawng an bawl theihna tur nia hriaiin nikum November ni 3 khan Political Party angin an ding \an niin a sawi a, an party chu Mizorama Political party awm tawhte ang ni lovin ram siam\hat tak tak duhtu an ni a, Party dang chuan inthlan dawnah mipui duh dan an zawng \hin a, an ni chuan Mizoram leh mipuite tana \ha thei tur ang berin an kal dawn niin a sawi. Pu Vanlalruata chuan, an party hian thil tum hlawm lian deuh deuh 3 a nei tih sawiin, mipuite chu thil nihphung hrechiang tura kaihhruai te, hmasawnna hna reng reng a thawktuten dik taka an thawh theih nana mipui mit tih var te, Politics khelh dan phung \ha lo siam\haa, inthlanna dik leh felfai a awm theih nana hmalak bakah Sorkar ngelnghet, eirukna awm lo leh Sorkar awmze nei din tura \anlak te an tum tih a sawi a, hemi atana an hmalaknaah hian mimal leh pawl hrang hrang pawh an thawhpui thei vek niin a sawi.
He inkhawm hi an pawl Vice President, Pu K. Tlanthanga’n a kaihruai a, Senior Vice President
, Dr. H. Lallungmuana pawhin thu a sawi bawk.
