Chief Minister Pu Zoramthanga’n tunkar Nilaini-a Zoram mipuite hnena thuchah a sawiah COVID 19 do nan CM Relief Fund piah lamah State Budget a\angin cheng nuai 1,500 chuang hman a ni tawh tih a sawi chu PRISM Party chuan lawmawm an ti hle tih an sawi a. COVID 19 do nan hian LESDE sum cheng nuai 2,100 leh DM&R sum cheng nuai 531 chuang hman a ni tawh tih CM hian a sawi a ni an ti a, a theih theihna a\anga pawh khawm ni lo, awmze nei taka sum dah hran Mizoramin a la neih an beisei tih an sawi.
PRISM hian tun thla ni 5 thlenga sum hman tawh chu nuai 428 leh tlem a nih thu leh hemi a\anga ni 15 hnuah CM Relief Fund tel lovin nuai sang li chuang sen tawh a nih thu an sawi a, hmalam hunah ei leh bar kawnga harsatna sukiang turin vaibelchhe tam tak mamawh a la nih dawn avangin, central sorkar leh state hrang hrangin hri leng dona atana an hma\hatna an hnuhkir angin Mizoram sorkar pawhin hnuk kir ve thei se an duh tih an sawi.
