Prism party hian hri leng vanga Inkharkhip a nih chhunga mipui mamawh enkawlna leh hri leng laka an him theihna tura invenna kawnga sorkar hmalakna chu \ha an tih thu leh an thlawp thu an sawi a. A bikin Health Minister, Dr. R. Lalthangliana inpekna leh tlawmngai pawlten mahni inphata theih tawp an chhuah chu a ropui hle a ni, an ti.
Hetihrual hian hri leng darh loh nana Mizoram sorkar-in hmala tura a din, State Level Task Force on COVID-19 hnuaiah thupek kengkawh tura District leh Village Level Task Force dinte chu sum tel lo chuan hmalakna mumal leh rual khai a awm thei lo nia a lan thu an sawi a, CM Relief Fund-a innghat ngawt lovin heng hmala tura thlante hman tur sum chu sorkar sum bawmpui a\anga ruahman turin sorkar an ngen tih an sawi.
