Vawiina Chief Minister hnena lehkha an thehluhah Prism chuan, ram khua leh tui nih theihna tur dan thar, Citizenship (Amendment) Bill, 2016 chu Hmarchhak bial mipui, a bikin Mizo mipuiten nasa taka an dodal karah Lok Sabha rorel inkhawmah he Bill hi pass a ni tawh a. Tunah hian Rajya Sabha-a ngaihtuah hmabakin a awm mek tih sawiin, he Bill hi Mizo mipuiin an duh loh mai bakah Mizorama political pary hrang hrang pawhin an duh loh hlawm avangin an theih ang angin an duh lohna lan tirin an dodal hlawm a. Tlawmngai pawk liante pawhin he Bill hi duh lovin an dodal \heuh tih an sawi a.
Hetichung hian Sorkar laipui chuan kaltlangpui tum ni awm taka a lan zel avangin he Bill an duh lohna leh dodalna hi lian zawka kalpui a nih theih nan Chief Minister chu hmalak dan tur ngaihtuah tura Political Party hrang hrang \hutkhawm ko turin an ngen a. He Bill dodalnaah chak zawka hmalak a nih theih nana tlawmngai pawlte pawh thawhpui an duh tak meuh tih an sawi a ni.
