Prism hian vawiin khan Mizorama Political party hrang hrang MNF, MPC, BJP, MPCC leh ZNP President \heuh hnenah lehkha pein, Central BJP kaihhruai sorkar chuan Mizoram mipui leh Political party hrang hrangin na taka an dodal Citizenship Amendment Bill tihpuitlin tumin hma a lak mek a ni, an ti a. Hei hi a taka tihhlawhtlin tum a nih hunah Mizoram mipui zawng zawng, political party leh tlawmngai pawlten an dodal leh ngei dawn a, hetih rual hian an dodal avangin he ruahmanna hi \hulh a ni ang tih a sawi lawk theih lova, chuvangin he Bill hi tihpuitlin anih hma ngeiin Bangladesh a\anga Mizorama dan lova lo lutte hnawtchhuak tura hma lak a ngai a ni, an ti.
Prism chuan, Election Commission of India in dik lo taka thil a tih avangin Tripura-a cheng mi tam takin Mizoramah vote an nei mek tih an sawi a, hei hi tihtawp a nih theih nan an Party chu High Court-a Public Interest Litigation thehlut turin a inbuatsaih mek a. He hmalakna hi Party dangte pawhin an thlawp ngei ring chungin an thlawpna tilang turin an ngen tih an sawi.
Prism Party hian Bangladesh a\anga dan lova Mizorama lutte hnawhchhuak turin nimin Home Minister, Pu Lalchamliana an lo ngen tawh bawk a ni.
