He thu hi vawiina Champhai District Prism hruaitute nen Champhai Venglaia District Hqrs. office-a an inkawmnaah sawiin, Pu RL Liantluanga chuan, nimin khan ZORO hruaitute nen UNDRIP hnuaia Mizo ten dikna chanvo an neih an bawhzui dan leh an thlen chinte an sawi ho tih sawiin, UNDRIP-in Mizote dikna chanvo a pek chu sualchhuak turin an party chuan theihtawp a chhuah dawn tih a sawi a ni. Prism party \halai president chuan, rambuai hrephakte chuan a buai an duh tawh lo a, chutih rual chuan \halai tam tak tuna Mizoram dinhmuna lungawi lote chuan buai hi an cho reng nia sawiin, hetiang buaina hi a chhuah tawh loh nan ram hruaituten mipui mamawh tihpuitlin kawngah nasa zawka ke an pen a \ul thu a ni, a ti a. Zofate dikna chanvo humhalhna kawngah Prism party-in hmalak an tum dan a sawi bawk.
An inkawm hona kaihruaitu Champhai District Prism President, Pu TBC Lalvenchhunga pawhin, ram leh hnam humhalh kawngah Prism party chuan theihtawp chhuah zel a tum tih sawiin Citizenship Amendment Bill chungchanga party hrang hrang leh NGO ten lungrual taka theihtawp an chhuah chu lawmawm a tih thu a sawi a. BJP President, Amit Shah-a’n tun thla ni 17-a Lakhimpur-a rally a neihnaah BJP an sorkar leh chuan he bill hi put luh leh a nih tur thu a sawi chu a tak a a thlen loh nan turin BJP leh a thawhpuite chu hnawl ngam a ngai tih a sawi.
