He thu hi vawiina Kolasib Press Club-a thuthar lakhawmtute a kawmnaah sawiin, Pu TBC Lalvenchhunga chuan, British sorkar khan Mizote chu hnam khat an nihzia an hriat avangin rorelna hrangin a daidang chung pawhin duh duha an intlawh tawn theih nan ruahmanna an siam sak a, hei hi sawrzim mek niin, tunah phei chuan ramri-a chengte tan kilometre 16 thleng chauh intlawh tawn phal tura hmalak a ni a, darkar 72 aia rei inkalpawh phal lohna dan siam tum mek a ni tih sawiin, he hmalakna hi Zofate daidanga \henhran tumna niin an Party chuan a ngai a, an theihna chin chinah dodal zel an tum thu a sawi. Pu TBC Lalvenchhunga chuan, tuna Citizenship Ammendment Bill an buaipui pawh Zofate chimrala \hen darh lehzualna hmanraw pakhata an ngaih vangin hemi dolet a, hnam anga an dinchhuah theih nan theihtawpin an Party chuan hma a la zel dawn a. MP a thlan tlin a nih chuan CAB chu house-a pharh leh a nih pawhin Mizoram leh hnam chhanhim nan Right to Secession Bill chu dan angin house-ah a pulutve dawn tih a sawi. |halaite tan hna thawh tur mumal a awm tawh lo chu a vei thu sawiin, Pathian leh mipui zara MP atan thlan a nih chuan, Industry leh Entrepreneurship lamah hna siam chhuak thei turin theihtawpa hma a lak tur thu Prism MP candidate chuan a sawi.
