Chhim lam khaw hrang hrang a fankualnaah Pu TBC Lalvenchhunga chuan, Mizo \halaite chuan theihna leh thiamna tihchak sak an mamawh hle a ni, a ti a, tun hmaa sorkar awm tawh leh MP neih tawh ten heti lam hawi hian ngaihtuahna an la seng lova, hmalak an tum hek lo tih sawiin, \halaiten kum 35 vela eizawnna nghet an nei thei chauh chu a \ha lova, \halai an tih chin hi chu a upa avangin he ngaihdan thlak danglam tura \anlak a \ul a ni, a ti. Pu TBC Lalvenchhunga chuan, Mizo \halaiten ngaisaktu an nei ngai lo tih sawiin, lehkha thiam leh thiam lote tan eizawnna bul \an a harsa em em a, puitu an mamawh tak zet a ni a ti a, MP a thlan tlin a nih phawt chuan Mizo \halai lehkha thiam eizawnna nei lote tan theihtawp chhuah a intiam a, a kawng pawh a hria, rin tlak a ni dawn tih sawiin, Mizoram mipuite chu amah vote vek turin a sawm a ni.
