An mahni lo dawngsawngtu SIPMIU hotute sawi danin, Tuiriala bawlhhlawh sawngbawlna hmun hi kum 2016 August a\anga siam \an niin, kumin November a\anga hman \an theih tura tih a ni a. He hna hi Asian Development Bank sum hmanga thawh a nih thu leh ram Hectare 13 vela zauha bawlhhlawh sawngbawlna hmun hi siam a ni a, a tirah hnathawh nan Rs. vbch. 30 leh nuai 58 ruahman a ni a, DPR-ah Electrict hmaih palh a nih avangin ennawn a nih hnuaa sum ruahman chu Rs. vbch. 41 leh nuai 13 a ni. SIPMIU hotute sawi danin, Aizawl bawlhhlawh zaa 38 vel chu \awih thei leh zaa 39 chu \awih thei lo, thil dang atana hman atan siam theih a ni a, zaa 23 vel chu hman \angkaina tur awm tawh lova paih ngai a ni. Bawlhhlawh \awih thei lo paihna tur hmun siam hian kum 5 vel daih tura ruahman a ni a, Bawlhhlawh ton 44 vel ni tin paiha sawngbawl a ni chuan kum 25 vel daih thei tura ngaih a ni a. Bawlhhlawh \awih thei sawngbawlna tur khawl hman a nih hunah chuan changpat hmanga lei\ha siam tur niin \angkai taka hman theih beisei a ni.
Prism leh MPC hotute chuan, bawlhhlawh sawngbawlna chu \ha thawkhat viau mah se, helai hmun hian Aizawl bawlhhlawh hi a dawl zo vek dawn lo nia an ngaih thu an sawi a, hetiang bawlhhlawh sawngbawlna hi hmun dang pawh buatsaih ni thei se an duh thu an sawi. Prism leh MPC hotute hian AMC in bawlhhlawh an paih mekna hmun pawh an tlawh a, bawlhhlawh \awih thei leh \awih thei lo thliar an kalpui lawk chu nakin zel atan \angkai hle dawn an hriat thu an sawi.
