PRISM-in tun hnaia Tuirini lei chimta dawhtute leh Serkhan daia Sihphir Driver kutthlaktute chu an hna atanga suspend tura Sorkar an phut thu an sawi a. Tuirini lei dawh lai chim chu a dawh dan phung dik loh vang liau liau nia an ngaih thu sawiin, he thil thlen dan chhui chiang tura Sorkar-in a ruatten chak leh felfai zawk an chhui theih nan leh a chhuituten harsatna an tawh loh nan Sorkar chu he lei dawhtute an hna atanga suspend turin an ngen a ni. Prism chuan, kumin January ni 22 zana Chief Minsiter vengtu Police-ten Serkhan daia Sihphir Driver kut an thlak nia sawi chu Sorkar-in thudika a pawm avangin kutthlaktute suspend tur leh dan hmanga dik taka hrem tura an phut thu pawh an sawi a. Heng thil thleng pahnih chungchangah hian a mawhphurtu Minister-ten ngaihdam dilna leh pawi an tih thu an la sawi lo chuan Mizoram mipuite an zah loh zia a tichiang hle niin an sawi.
