PRISM Party Central Committee nimina Upper Republic-a an Party Pisa-a thukhawm chuan Chief Minister, Pu Lal Thanhawla chu Chief Minister nizui zel tlak tawh lova an ngaih thu an sawi a. Prism puipate thukhawm hian an Party kal zel dan tur hrang hrang an sawi hova, an Party-in chak zawka hma a sawn theih nana hma la turin member 7 awmna Political Affairs Committee (PAC) din an remti a, member tur pawh an ruat nghal a ni. Prism puipate chuan tunkar Thawhtan zana Chief Minister vengtu Police-ten Serkhan dai-ah Sihphir Venglai mi Pu Lalbiakzuala kut an thlak nia sawi chu an dem thu an sawi a. Tun hnuah hetiang thil hi thleng nawn tawh lo tura an duh thu leh kutthlaktute chu dan hmanga hrem an phut thu an sawi. Heng thil thlengte avang hian Chief Minister, Pu Lal Thanhawla chu Chief Minister ni zui tlak lova an ngaih thu leh Pu Lal Thanhawla chu Chief Minister a nihna atanga bang nghal tura an duh thu an sawi a ni.
Nimina PRISM Party Central Committee thukhawm hi an pawl President, Pu Vanlalruata’n
a kaihruai a ni.
