Prism General Secretary, Pu Lalrinzuala Chawngthu-in Mizoramin hma a sawn theih lohna chhan bulpui chu rorelna ramri inbawhthuah nasa lutuk siam \ha ngam sorkar an la awm loh vang niin vawiina an pawl bengvar inkhawmah a sawi a. Hmasawnna khairual lo lutuk avangin thingtlang miten khawpui an bawh a, an hmun kalsanah hnam dang mi an rawn inbengbel zel avangin Mizoram hi hnam dang kutah zawi zawiin a tlu lut mek nia sawiin, hei hi a chhan ber chu khawpui leh thingtlang hmasawnna khairual loh lutuk vang niin a sawi. Pu Lalrinzuala Chawngthu chuan, Mizorama District 8 leh Civil Sub Division 23-te ramri awm dan chu a fel lo nasa hle nia sawiin, an huam chin a intiat loh bakah inbawhthuah a tam a, hemi dung zui hian Department inrelbawlna kaltir a nih bawk si loh avangin hnathawh a chak thei lo a. Thutlukna siam tur leh pawisa la chhuak turin dawhkan 136 pal tlang a ngaih \hin avangin hun leh tha tam tak sen a ngai niin a sawi bawk. Prism Bengvar inkhawm hi an pawl Secretary, Pu B. Vanlalhruaia’n a kaihruai a ni.
