Pu Vanlalruata chuan sorkar dina thuneihna chan chu an tum ni bawk mah se, Politics chhe siam\hat chu an thil tum ber a ni tih a sawi.
Prism Aizawl Manifesto, 2018-ah hian Aizawl khawpui tana an hmachhawp 15 tarlan a ni a. Chung zingah chuan Aizawl Municipal Corporation chu thuneihna sang zawk pek a, Ward Committee awmze neia kalpui te, Aizawl khawpui chu khawthlang lamah Tlawng thlenga zauh te, Zemabawk leh Kulikawn inkar kawngpui zauh te, lirthei hunna hmun \ha zawk siam a, kawngpuia lirthei hunna siamchawp a\anga chhiah lak tihtawp te, Public Transport tihchangtlun a, City Bus, Taxi, Auto Rickshaw leh Two Wheeler Taxi dinna hmun ennawn te, leiminna hmun hlauhawm zual tih ruah a, ramngaw siam te, chawlh hahdamna hmun leh intihhlimna hmun \ha siam te, tui thianghlim hnianghnar a awm theih nana tuihna awmsa siam\hat te, ruang dah\hatna leh halralna hmun sia te, hrui leh tui pipe hnawk thenfai te, Building Regulation thar hman a, mipui himna a tana insak dan enfiah te, Aizawl khawpui chhung a\anga Assam Riffle sawnchhuah te, Tlawng Sairang leh Reiek kaia tui tla \hin veng tur dah te, Internet leh Phone Signal chhia vanga harsatna thleng \hin tih bo leh bawlhhlawh sawngbawl dan tharte a ni. Pu Vanlalruata chuan Prism-in thuneihna a chang a nih phawt chuan heng an ruahmanna hrang hrang hi tihhlawhtlin a harsa a nih pawhin hlenchhuak tura huaisen taka ke an pen tur thu a sawi a ni.
